عيد الحب بقا وكل سنه وانتوا طيبين الاسامى بتاعه الناس بتتغير وبتبقى كل الناس اسمها يا بيبى يا قلبى ويا عمرى
ظهرت تقليعه جديدة من تقاليع تجار الفلانتين ( حد فاكر أكتب اسمك واسم من تحب على الرزة السحريه )
خد عندك بقا المج السحرى اللى الصورة بتظهر علية كل ما تحط فية حاجه سخنه قال يعنى مش هيحبوا بعض غير لما ييجوا يشربوا النسكافية او على سبيل ان لو ابو البنت قفش المج فى دولابها ميشكش فيها ولا هيعرف ان عليه صورة للمز بتاعها مش هتظهر الا لما يحط فى المج مياة سخنه
.....
واحده شاطرة بقا وناصحه جت تسألنى هوة المج بيشتغل ازاى ؟
اقولها نوع الفخار اللى مصنوع منه بيظهر الحبر اللى مطبوع بيه المج من برة لما يتحط فيه حاجه سخنه
- تسالنى تانى طيب هوة بحجرا (بطاريات يعنى ) ؟
- اقولها لأ بيشتغل من عير حاجه
- تسألنى تانى ولو اتكسر ؟
- نعم؟ يعنى ايه مش فاهم
- يعنى لو أتكسر اعمل ايه ؟
- ما ترميه ( وانا مال أمى )
- اومال لما هوة بيتكسر بتقول عليه سحرى ليه ؟ !!!!!!!!
..........
أعلان :
المج السحرى هو التطور الطبيعى للمج العادى المنقرض ابو صورة باينة
المج السحرى يحمى المرتبطين من الحسد ( سحرى بقا )
المج السحرى أحسن هدية فى الفلانتين
...........
واحد كان عندها مج سحرى عاملهولها صاحبها القديم وحاطط صورة ليهم هما الاتنين عليه
فى الفلانتين عايزة تشيل الصورة من على المج وتحط صورة تانيه علشان تديها لصاحبها الجديد
قولتلها مينفعش قالتلى طيبة ينفع تخلى صورته تظهر من جوة ( مش عايزة تشوف وشه تقريبا)
قولتلها اشمعنا ؟
- علشان اتبسط وانا بحط فى المج مياه مغليه كل شويه من خنقتى منه
- !!!!!!!!!!
.........